AlbKristian.com - Faqe të Krishtera Shqiptare

Kryefaqja

Përgjigjje ndaj Pyetjeve

1. Kush është një i Krishterë/Kristian?
   Një i Krishterë ose Kristian është ai ose ajo person i cili e ka pranuar premtimin e Perëndisë për faljen e mëkateve dhe jetën e përjetëshme, nëpërmjet Birit të Tij Jezus Krishtit.
   
   
2. Kush është një Dishepull?
   Një Dishepull është ai/ajo i krishterë i cili pasi e ka pranuar Jezus Krishtin si Shpëtimtarin e tij, ka vendosur që ta dojë atë me gjithë zemër, mendje, trup dhe forcë, dhe si rezultat ta ndjeki dhe ti bindet Fjalëve të Tij deri në fund (Marku 12:30; Gjoni 14:15). Pra, që të jesh dishepull nuk do të thotë që thjesht të besosh në Perëndinë, por që ta ndjekësh dhe ti bindesh atij me dashuri të plotë.
   
   
3. Çfarë është Bibla?
   Bibla është një përmbledhje prej 66 librash, që u shkruajtën prej rreth 40 autorëve, në një periudhë prej 1500-1600 vjetësh. Por mbi të gjitha, ajo është Fjala e Perëndisë, dhe si e atillë ajo është manuali (ose standarti) në bazë të së cilës ne si besimtarë duhet që të gjykojnë dhe besojnë! (Lexo: Çfarë është Bibla dhe Fakte Unike të Biblës).
   
   
4. Kush është Jezusi?
   Jezusi është Biri i Perëndisë dhe Perëndia vetë. Ai është Fjala dhe Mishërimi i Perëndisë në njeri dhe njëkohësisht vetë Perëndia. Ai është Personi i dytë në Trinitet. Këto mësime nuk kanë ardhur si rezultat i shpikjeve të të krishterëve ndër shekuj, por si rezultat i përpjektjeve të tyre që ti kuptojnë dhe interpretojnë drejt mësimet e Fjalës së Perëndisë - Biblës.
   
   
5. Çfarë është Lutja? 
   Lutja është një shprehje e komunikimit tonë me Perëndinë. Ai komunikon me ne nëpërmjet Fjalës dhe Frymës së Tij dhe ne komunikojmë me të nëpërmjet lutjes në zemrat dhe mendjet tona. (Lexo: Çfarë është Lutja?)
   
   

6. Çfarë është Krishterimi?
   Krishterimi nuk është një fe në kuptimin e ngushtë të fjalës, pasi mbi gjithçka tjetër, Krishterimi është shprehja e mardhënies tonë me Perëndinë! Nga ana tjetër, feja është përpjekja e njerëzve për të arritur Perëndinë. Prandaj në Krishterim, Perëndia vjen tek njeriu për ta shpëtuar atë. Si rezultat, që të jesh i krishterë do të thotë që të kesh një mardhënie personale me Perëndinë e vërtetë nëpërmjet Birit të tij Jezusit. "Sepse asnjë nuk vjen tek Ati përveç se nëpërmjet meje.” Gjoni 14:6 “Sepse Perëndia aq shumë e deshi botën, saqe dha Birin e Tij të vetëm.” Gjoni 3:16
   
   

7. Nganjëherë unë pyes veten nëse ai vërtet më do. Po të jetë Perëndi që të do, pse ka kaq shumë vuajtje e dhimbje në botë?
   Në librin e tij të quajtur Bibla, Perëndia tregon se mëkatet tona janë shkaku i gjithë vuajtjeve dhe dhimbjeve. Është e vërtetë se Perëndia ia zbulon dashurinë e tij gjithë botës, siç e lexojmë në një nga vargjet më të përmendura të Biblës:Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme (Gjoni 3:16). Kjo përputhet me atë që thotë Bibla në vargjet e mëposhtme:Rruga e të pabesit është një neveri për Zotin: por ai do atë që ndjek drejtësinë (Fjalët e urta 15:9). Sepse Zoti njeh rrugët e të drejtëve: por rruga e të pabesëve të çon në shkatërrim (Psalmeve 1:6).
   
   
8. A bie Bibla në kundërshtim me shkencën? 
   Shkenca merret me studimin dhe shpjegimin e dukurive të natyrës, kurse teologjia merret me studimin dhe shpjegimin e dukurive mbi-natyrore. Shkenca është e kufizuar në mundësitë e saj për të shpjeguar gjithçka që ndodh në natyrë, dhe për këtë arsye ajo nuk është plotësisht e justifikuar kur mundohet që të hedhi poshtë mrekullitë e Biblës, pasi edhe ajo ka kufizimet dhe kualifikimet e veta. (për më tepër lexo artikullin: A i hedh shkenca poshtë mrekullitë e Biblës?). 
   
   
9. Pse e quajti Jezusi veten Bir i Njeriut?
   Për një përgjigjje më të gjerë, lexo artikullin: Nëse Jezusi ishte Biri i Perëndisë, pse e quajti veten Biri i Njeriut?
   
   
10. Si munden të Krishterët që të thonë se Jezusi është e vetmja rrugë për tek Perëndia?
    Jezusi u ringjall prej së vdekurish. Kjo ishte një nga provat kryesore që thëniet e tij ishin të vertëta, kështu që Ai është Perëndia, ashtu siç kishte pohuar edhe vetë, dhe për këtë arsye Ai është në gjendjë që të na sjelli në një mardhënie të drejtë me Perëndinë. Lexoje këtu.
    
    
11. Si mund të sigurohem që Bibla është me të vërtetë Fjala e Perëndisë?
    A është Bibla me të vërtetë Fjala e Perëndisë? Lexo një përmbledhje të disa prej argumentave kryesore që dëshmojnë për këtë fakt. Lexoje këtu.
    
12. A ndodhi Ringjallja me të vërtetë?
    Për një përgjigje ndaj kësaj pyetje lexo artikullin me të njejtin emër. Lexoje këtu.

 

Shënim: nëse keni ndonjë pyetje ose koment që doni të na e nisni, ju lutemi që të përdorni 'Formën e Kontaktit' tek faqja: Na Kontaktoni.

 

Kthehu tek faqja: Pyetje dhe Përgjigjje

Copyright © 2002  AlbKristian.com - Faqe të Krishtera Shqiptare
Një Projekt i Shërbesës 'Shqiptarët për Krishtin'.