AlbKristian.com - Faqe të Krishtera Shqiptare

Kryefaqja

 

X. Pas Mijëvjeçarit

“Dhe kur të kryhen të një mijë vjetët, Satani do të zgjidhet nga burgu i tij dhe do të dalë të mashtrojë kombet që janë në të katër anët e dheut, Gogun e Magogun, që t’i mbledhë ata për luftë; numri i tyre do të jetë si rëra e detit. Dhe ata do të lëvizin në të gjithë sipërfaqen e dheut dhe do ta rrethojnë fushën e shenjtorëve dhe qytetin e dashur. Por nga qielli do të zbresë zjarr, i dërguar nga Perëndia, dhe do t’i përpijë” (Zbulesa 20:7-9).

Kjo është lufta që i jep fund çdo lufte. Ky është konflikti përfundimtar i gjithësisë.

A. Satani lirohet.

Ndërsa ai lirohet për një kohë të shkurtër, përpiqet ta godasë më tepër Perëndinë.

B. Kombet mblidhen.

Ne pyesim: “Kë mund të organizonte Satani mes johebrenjve për të luftuar Perëndinë?” Askënd tjetër, përveç atyre, të pashpëtuarve, të cilët kanë lindur gjatë shekullit të fundit të Mijëvjeçarit. Vini re që asnjë ushtri nuk është mbledhur kundër tyre.

C. Ushtria shpartallohet.

Zjarri zbret nga qielli dhe i shkatërron.

D. Satani dënohet.

Ai hidhet pastaj në liqenin e zjarrit që është përgatitur për të dhe për engjëjt e tij.

XI. E Ardhmja e të Paudhëve

Nuk është e vështirë të mendosh për jetën e përjetshme, por është e vështirë të mendosh për një përjetësi në ferr, që megjithatë është e vërtetë.

A. Mësimi biblik.

1. Do të ketë një ditë gjykimi (Veprat 17:30-31).

2. Çdo njeri do të gjykohet për veprat e Tij (Romakëve 2:16; Zbulesa 20:12).

3. Është e përjetshme (Marku 9:43-48). Shihni edhe Mateu 13.

4. Do të ketë shkallë ndëshkimi (Zbulesa 20:12; Rom. 2:5-6).

5. Do të jetë një ringjallje e të padrejtëve dhe e të drejtëve (Gjoni 5:29).

6. Gjuha e përshkruan (Mateu 25:46; Marku 9:45-48; Gjoni 3:36).

7. Gjithçka është e bazuar mbi karakterin e Perëndisë si i drejtë.

B. Termat e përdorur.

Vendet ku janë ose do të dërgohen qeniet njerëzore dhe engjëjt e paudhë, janë këto:

1. Sheoli. Kjo është fjala e Dhiatës së Vjetër që përshkruan vendin e të paudhit të vdekur.

2. Hadesi. Është fjala greke e Dhiatës së Re, që përshkruan gjendjen e menjëhershme të të paudhit të vdekur, dhe është e njëjtë si Sheoli. Në Bibël nuk flitet për një Hades apo Sheol të përjetshëm.

3. Tartar. Ky është vendi i errësirës ku janë lidhur engjëjt e këqinj.

4. Gehena. Gehena ishte plehërishtja e qytetit jashtë Jeruzalemit, zjarri i së cilës nuk u shua kurrë. Zoti vetë e ngjasoi ferrin me të, duke përshkruar zjarrin e ferrit që nuk digjet kurrë: “atje ku krimbi i tyre nuk vdes dhe zjarri nuk fiket” (Marku 9:44).

5. Tofet. Tofet është fjala hebraike e Dhiatës së Vjetër me të njëjtin kuptim me Gehenën.

6. Humnerë. Ky është vendi i engjëjve të rënë. Qeniet njerëzore nuk vihen kurrë këtu (Romakëve 10:7).

7. Liqeni i Zjarrit. Ky gjendet vetëm në Librin e Zbulesës. Kuptimi është i njëjtë si Gehena.

8. I Përjetshëm. Nganjëherë kjo fjalë është përkthyer me fjalën “i pasosur”. Kuptimi është i njëjtë. Ndëshkimi i të paudhit është i përjetshëm.

          a. Interpretimi i parë. Thayer e përkthen me kuptimin “pa fillim dhe pa fund”.

          b. Interpretimi i dytë. Ky thekson që “i përjetshëm” do të thotë “pa fillim”.

          c. Interpretimi i tretë. Ky beson që “i përjetshëm” do të thotë “pa fund”. Ne pajtohemi me të tri mendimet. Ne, gjithashtu, nuk i mbahemi interpretimit që thotë se “zgjat vetëm një kohë”. Disa besojnë që të paudhët do të durojnë ferrin vetëm për një kohë, por fjala “e përjetshme” që përshkruan ferrin, është e njëjta fjalë që përshkruan jetën e përjetshme (Gjoni 3:16), Perëndinë e përjetshëm (Romakëve 16:26) dhe mbretërinë e përjetshme të Jezus Krishtit (2 Pjetri 1:11).

C. Teoritë e propozuara.

1. Universalizmi. Ky është besimi që të gjithë do të shpëtohen më në fund, duke përfshirë edhe Djallin. Çfarë kuptimi do të kishin fjalët “gjykoj” dhe “gjykime”, në qoftë se nuk kanë kuptimin gjykoj dhe gjykim? Kur Perëndia flet për gjykim të përjetshëm, Ai me të vërtetë flet për një gjykim të përjetshëm (Veprat 3:21-24; 1 Korintasve 15:22; Mateu 18:9; Gjoni 3:36).

2. Kondicionalizmi. Ky mësim i rremë nuk u themelua në kishën e hershme, por u shfaq për herë të parë në shekullin e nëntëmbëdhjetë. U arsyetua që jeta e përjetshme është e bazuar mbi pranimin e Jezus Krishtit. Në qoftë se një njeri e pranon Atë, ai ka jetën e përjetshme. Në qoftë se ai nuk e pranon Atë, ai nuk do të jetojë kurrë; mospranimi në këtë jetë do të sjellë mosekzistencë në jetën e ardhshme. Nuk ka asnjë bazë biblike për këtë teori.

3. Ndëshkimi i përjetshëm. Ky është i bazuar mbi të vërtetën biblike, që e lidh mëkatin me ndëshkimin. Të gjitha mëkatet e kryera janë kryer kundër përjetësisë. Ai që mëkaton duke e kundërshtuar Jezus Krishtin, do të durojë ndëshkim të përjetshëm.

XII. Qielli

Shkrimet na mësojnë që janë tre qiej:

A. Qielli i parë. Kjo është zona e reve ku fluturojnë zogjtë, pra, qielli atmosferik.

B. Qielli i dytë. Ky është qielli i yjeve.

C. Qielli i tretë. Ky është vendi ku jeton Perëndia, vendi nga erdhi Jezusi. Zoti Jezus e përshkoi qiellin e parë dhe të dytë, që të shkonte në qiellin e tretë. “Duke pasur, pra, një kryeprift të madh që ka përshkuar qiejt, Jezusin, Birin e Perëndisë, le të mbajmë fort rrëfimin tonë të besimit” (Hebrenjve 4:14).

Qielli është po aq i vërtetë sa edhe retë dhe yjet. Është vendi ku Stefani pa Perëndinë dhe vendi ku Gjoni u mor lart nga Fryma. Gjëja e parë që ai pa, ishte Zoti Jezus. Ai është zemra e qiellit (Zbulesa 1; Hebrenjve 9:24). Pali, gjithashtu, u mor lart në qiellin e tretë (2 Korintasve 12:2). Ku është qielli? A e bën të qartë Bibla? Qielli është gjithmonë në Veri.

“Ai shtrin veriun në zbrazëti dhe e mban tokën pezull mbi hiçin” (Jobi 26:7). Shihni gjithashtu Isaia 14:12-14 dhe Psalmi 82:1; 48:2.

A është qielli katror? A është kub? Çfarë do të ketë njeriu si shtëpi të ardhshme? A është qielli vetëm një mijë e pesëqind milje katrore (2400 kilometra katrore)? Jeruzalemi i ri (Zbulesa 21-22) është katror dhe ky është vetëm një qytet i parajsës, i cili zbret si një dhuratë për Nusen.

Ata që shkojnë atje, do të jetojnë në paqe të përsosur dhe në dashuri të përsosur për gjithë kohën dhe përjetësinë. “Por ju iu afruat malit Sion dhe qytetit të Perëndisë së gjallë, që është Jeruzalemi qiellor, edhe morisë së engjëjve” (Hebrenjve 12:22).

Kthehu tek faqja: Doktrinat e Biblës

Copyright © 2002  AlbKristian.com - Faqe të Krishtera Shqiptare
Një Projekt i Shërbesës 'Shqiptarët për Krishtin'.