AlbKristian.com - Faqe të Krishtera Shqiptare

Kryefaqja

A ndodhi Ringjallja me të vërtetë?

Kjo pyetje ka të bëj më dy probleme kryesore në mëndjen e atyre që e bëjnë këtë lloj pyetje. E para, ngjarja në Dhjatën e Re është e pabesueshme. E dyta, mrekullitë janë diçka e vështirë për tu pranuar në këtë epokë të shkencës.

Bazat biblike

Katër fakte mbi atë që ndodhi:

·         Profecia e Jezusit. Jezusi u paratha përpara kohe dishepujve të Tij, që Ai do të ringjallej në ditën e tretë, Luka 18:31-33. Por ata nuk e besuan në fillim.

·         Varri bosh. Varri ishte bosh, Mateu 28:6, edhe pse ishte i mbrojtur mirë me roje, Mateu 27:62-66. Kushdo në Jeruzalem mund të shkonte dhe ta vizitonte varrin e Tij, në mënyrë që ta vërtetonte që ishte bosh.

·         Shfaqja e Jezusit. Jezusi i'u shfaq dishepujve të Tij në një mori situatash, p.sh. në dhomën e sipërme, në rrugën për në Emanus, etj.

·         Dishepujt e shndërruar. Dishepujt u shndërruan brenda katër javësh nga burra të rrahur në revolucionarë botëror si "ata që e kanë bërë rrëmujë botën." Veprat 17:6. Një ndodhi e madhe kërkon një shkak të madh.

Kush e mori trupin? Katër shpjegime:

·         Romakët? Ata doni që ta mbyllnin të gjithë këtë gjullurdi. Ponti Pilat i lau duart nga çdo përgjegjësi.

·         Judenjtë? Ata vendosën një roje tek varri. Më vonë ata duhet të jenë munduar që ta lëvizin qiellin dhe tokën në mënyrë që ta shuanin historinë e Krishterë të ringjalljes.

·         Dishepujt? "Ata e shpikën të gjithë këtë përrallë." Por pak më vonë ata vuajtën shumë për "përrallën e tyre." Njerëzit e kanë për zakon që të heqin dorë shumë shpejt nga vendimet e pafrytshme.

·         Dishepujt? "Ata u mashtruan nga alucinacionet" Psikologët na thonë që alucinacionet ndodhin si rezultat i një fryme pozitive pritjeje (mendimi që diçka do të ndodhi); por përkundrasi dishepujt ishin të bindur që gjithçka kishte marrë fund. Ata nuk po mendonin ëndrra të bukura. Për më tepër, shfaqjet e Jezusit ishin shumë të vërteta (jo në formë hije) dhe ndodhën në një mori situatash.

I vetmi shpjegim i pranueshëm:

I vetmi shpjegim i pranueshëm që mbështetet nga faktet është që Perëndia e ngriti Jezu Krishtin nga të vdekurit dhe që Ai është me të vërtetë i gjallë sot.

Shumë njerëz janë munduar që të provojnë që Ringjallja nuk ndodhi ndonjëherë. Njëri prej tyre ishte një gazetar, Frank Morrison, i cili shkroi librin e mirënjohur "Kush e Lëvizi Gurin?" Kapitulli i tij i parë titullohet: "Libri që nuk do të shkruhej."  Në këtë kapitull ai fillon që të tregojë se si ai filloi punën për të shkruar një libër që provonte që Jezusi nuk u ngrit përsëri dhe që se si faktet e bindën atë që ta ndryshonte bindjen e tij, dhe kështu që ai e shkruajti librin e tij që të provonte që Jezusit me të vërtetë u ngrit nga të vdekurit.

Çështja e vërtetë është kjo: "Nëse Jezusi u ngrit më të vërtetë përsëri, atëherë gjithçka që Ai tha është e vërtetë. Prandaj Ai mund ta ndryshojnë jetën tënde. Ai është përgjigjja e Perëndisë ndaj nevojës tënde dhe nuk ka asnjë gjë tjetër më të rëndësishme se sa mardhënia jote me të.”

Shënim: Ky kapitull është marrë nga libri "Turning the tables in witnessing"

 

Përktheu dhe redaktoi: Elvis Plaku

Kthehu tek faqja: Apologjia

Copyright © 2002  AlbKristian.com - Faqe të Krishtera Shqiptare
Një Projekt i Shërbesës 'Shqiptarët për Krishtin'.